'' Нема сила што може да ја присили Македонија на промена на иметo.''

'' Ако Македонија одлучи да го задржи уставното име, нема сила која може да ја присили на промена, изјави поранешниот државен секретар на САД Лоренс Игелбергер, во интервју за програмата Отворено со народот на Македонската телевизија. Според Игелбергер, не постои никаква причина македонскиот народ да го смени името кое го носи долго време за некој друг да биде среќен.''

Високиот американски политичар и познавач на приликите на Балканот додава дека поентата е оти може да се види дека грчката Влада повторно се обидува да ја наметне својата позиција врз македонското име.

'' Грчката Влада се обидува повторно да ве убеди да ја смените својата позиција, но нема да успее, вие ќе бидете исто толку цврсти по ова прашање како што сте биле досега. Мојата препорака е да не дозволите овие работи од вашиот сосед да ве тревожат. Останете смирени и цврсти, онаму каде што сте...ако вие одлучите дека сакате да менувате, тоа е до вас, но додека Македонија одлучува дека не сака да го промени името, дека не сака компромис по ова прашање, тогаш само останете цврсти, но смирени, нема што тие да можат да направат што ќе ве присили да го промените. До вас е да одлучите дали сакате да го промените или не''

, нагласува Игелбергер.

'' Античките Грци никогаш не тврделе дека Македонија е нивна и тие никогаш не ги прифатиле Филип или Александар како свои владетели. Грчките  тврдења за Македонија се засноваат на историски погрешни информации“

, вели Иглбергер.

Поранешниот заменик држевен секретар на САД, соработник и на Ричард Никсон, Роналд Реган, Хенри Кисинџер, Џорџ Буш... има симпатии за македонскиот народ, иако тој сфаќа дека не е мудро за еден странец да се меша во внатрешните работи на две држави.

„Сепак, мојата возбуда од силата на карактерот која македонскиот народ  го оправдува фактот на моето заземање страна"

, истакнува Лоренс Иглбергер во интервју за НТВ.